Shillong, Naitung 10:
Ki pulit jong ka East Khasi Hills District ha ka Lah Sngi U Blei ka 10 tarik ki la ïoh tam ïa kawei ka metïap jong u rangbah briew ka bym don khlieh kaba la per ha sla um jong ka pung UmԻam.
Ïa kane ka metïap ka bym pat lah ban ithuh la ïoh ban tam na ka thaiñ Mawdun, Iapngor. La antad ba une u briew u la don hapdeng ka rta 30 haduh 40 snem eiei bad ba don ïa ka rynïeng kumba 5.5 phut.
Kumta ïa katei ka metïap la wan pynkit noh sha Shillong Civil Hospital bad mynta la buh ha jaka buh metïap ban pyndep ïa ka post mortem bad ban wan kam ki bahaïing hasem. Ki pulit ki la pynrung case ïa kane ka jingjia ha thanat Lumdiengjri.
Na ka liang ka shlem treikam u SP ka la kyrpad ïa ki bahaïing bad ki paralok jong kino kino kiba jah briew ba kin wan ban ithuh ïa kane ka metïap ha Civil Hospital da kaba phone ha kine ki number kata ha u O/C Lumdiengjri PS—03642548151 lane ha u I/C Police Control Room, Shillong—03642222214/2222215.
