Tura, Naitung 10:
Uwei u rangbah u la khlad noh shen katba kawei ka longkmie pat ka la mynsaw jur bad mynta ka dang ïakhun ïa la ka jingim hadien ka jingshah lympat bording ha ka thaiñ Purakhasia, West Garo Hills.
Kane ka jingjia ka la jia ha ka Sngi U Blei ha ka shnong Chengrapara kaba hap hapoh ka Dalu Civil Sub-Division.
Une u rangbah uba la khlad noh u dei uba la tip kyrteng kum u Bryan Donseng M Marak bad kane ka longkmie ka kyrteng ka Epsil N Marak. La ong ba kine ki ar ngut ki la ‘charge’ ïa la ki mobile phone ha la ki jong ki ïing bad dei ha ka por ba ki la leit ban ktah ïa la ki phone ba ki la shah lympat ha ka bording.
La ïathuh ruh ba ha kane ka por ka la don ka jingpom pyrkhat bad jingtied ’leilieh. La ong ba u Bryan u la khlad noh na kane ka jingjia, katba kane ka longkmie kaba la armet bad don 8 bnai, ka la kyllon ha madan bad ïapler. Kumta mar mar la pynkit noh sha ka jaka ai jingsumar ha Tura bad mynta ka dang don hapdeng ka jingshitom kaba jur.
