Shillong, Naitung 10:
U sohtrun na Rilum Garo u la ïaid ïew bad poi shaduh Varanasi kaba dei ruh ka konstitwensi u Myntri Rangbahduh Narendra Modi ha kaba la pynïaid ïew lyngba ka DeHaat ïa u sohtrun uba la tip kum u ‘Kew Pineapple.’
La ong ba ka Ringgi Demdema Organic na West Garo Hills ka la dep ban pyllait paidbah ïa ka aïom die sohtrun.
U Myntri Rangbah Conrad K Sangma lyngba ka Twitter u la pynpaw ba kum ka jingsdang, la phah ïa u sohtrun kumba 12 Metric Ton na Chibinang sha Varanasi.
U la ong ba lyngba ki nongthied kiba la don lypa kynthup ïa ka DeHaat la nang pynïadei bad ki nongrep bad ki kynhun jong ki nongrep khnang ban suk ban pynïaid ïew ïa ki mar rep bad ki soh.
