Shillong,Naitung:
U Myntri uba dei khmih ïa ka tnat Fisheries ha ka jylla u Alexander Laloo Hek u la don lang na ka bynta ka jingpynlong ïa ka Fisheries Summer Meet 2023 kaba ar sngi ha Mahabalipuram, Tamil Nadu.
Lyngba ka jingpynïaid jong ka Department of Fishe-ries, Ministry of Fisheries, Animal Husbandry and Dairying, Government of India, ïa ka Summer Meet la rakhe na ka bynta ka jingjop jong ka tnat Fisheries ha India, ka Department of Fisheries bad ka ‘Start-up Conclave’. Ïa kane ka prokram la pynlong ha ryngkat ka jingïamynjurlang jong ka National Fish Farmer’s Day 2023 ïa kaba la rakhe ha ka 10 tarik, Naitung kaba ju long manla u snem. U Myntri jong ka tnat Fisheries, ka sorkar jylla, ki la lamkhmat na ka jylla ha kaba la synran lang da u A. L. Mawlong, Director of Fisheries, Meghalaya na ka bynta ka prokram kaba ar sngi ba la pynlong ha Mahabalipuram, Tamil Nadu.
Ha kane ka prokram, ki la don baroh kumba 176 tylli ki Fishery ha kaba ïadei bad ki Project ha baroh kawei ka ri India, kynthup ïa ki 16 tylli ki Project ha Meghalaya kaba la kot sha ka T. 4.3 klur ka jingbei tyngka ha kylleng ki jylla kiba don ha ki distrik jong ka Eastern West Khasi Hills, East Jaiñtia Hills, West Jaiñtia Hills, Ri Bhoi District, North Garo Hills, South Garo Hills, bad South West Garo Hills ïa kiba la pyllait paidbah lyngba ka Video da u Parshottam Rupala, uba long u Myntri ka tnat Fisheries jong ka sorkar kmie, ka Animal Husbandry and Dairying ha ryngkat ka jingdonlang u Myntri ka tnat Fisheries jong ka jylla u A.L Hek bad la sakhi da ki heh jong ka Fish Farmers and Fisheries jong ka jylla ha ryngkat kiwei pat kiba na ki bynta jong ka ri.
