Shillong, Naitung:
Ka shlem treikam u Superintendent of Police, East Khasi Hills ka la kyrpad ïa ki paidbah ban wan ithuh noh ïa ka metïap jong uwei u rangbah briew ba la nadien ka building MTC habar jong ka dukan Star Aquarium Shop, Jail Road ka surok ban mih sha ka lad Pegasus.
Katkum ka kyrwoh khubor ba la pyllait da ka shlem treikam u SP, la ong ba ïa kane ka metïap ba la lap ha ka 24 tarik jong u bnai ba la dep, bad hadien ba la pyndep ïa ka post mortem, mynta ka dang don hapoh ka jaka buh metïap ha Civil Hospital. Kumta la kyrpad ïa kiba ithuh ne don jingïadei ban wan kam noh.
Une u briew u dei uba don ka rta hapdeng ka 25-35 snem eiei, u don ka jingjrong kumba 165 cm eiei, la pyntip ka shlem treikam u SP. La ong ruh ba la lap ba une u briew u dei uba la phong ïa ka jumper kaba ïong, ka jean ba rong ïong bad ki slipar ba ïong.
Ki pulit ki la dep ban pynrung case ha kaba ïadei bad kane, bad la kyrpad ïa baroh kiba don jingtip ba kin wan ban ithuh ïa kane ka metïap da kaba phone ha kine ki number O/C Sadar PS 0364-2224818/2224400 lane ha u I/C Police Control Room, Shillong: 03642222214/2222215.
