Gurugram, Naitung 12:
Ka Hyundai Motor India Limited (HMIL), ha ka Lah Sngi U Blei ka la pyllait ïa ka kali thymmai jong ka, ka ‘Sporty EntrySUV – Hyundai EXTER’.
Ïa ka ‘Hyundai EXTER’, la shna ban pyni ïa ka nongrim ka jinglong kyrpang jong kiba paw shabar, ka jinglong kylluid jong ka bynta ba shapoh jong ka kali, ki lad jingïada kiba katkum ka juk stad teknoliji ba mynta bad ka jingbit jingbiang kaba paka ha ka leit ka wan.
Ka ‘Hyundai EXTER’ ka kdew ruh ïa ka rukom long jong ki nongthied ka India ba la tip kum ki ‘Gen MZ’ kiba don ïa ka mynsiem shitrhem ban leit shang shane-shatai bad ban wad bniah ïa ki jaka bapher-bapher.
Haba ai jingkren ha ka jingpyllait ïa ka ‘Hyundai EXTER’, u Unsoo Kim, MD & CEO, Hyundai Motor India Ltd., u la ong, “Ka Hyundai Motor India barabor ka ju wanrah ïa ki sienjam bathymmai ha ka karkhana lyngba ki mar ki mata bad ki ki kor teknoliji jong ka. Sa shisien mynta, lyngba ka ‘EXTER’ ngi sngewkmen ban wanrah sha phi ïa ka SUV kaba kdup ïa ka jingminot ka Hyundai ban nang pynbha shuh-shuh ïa ka rukom pynwandur, ki bor teknoliji kiba kham bniah bad ka jingbit jingbiang kaba paka ha ka leit ka wan. Ha ryngkat ki rukom long bathymmai bad jingskhem jong kiei kiba paw shabar, ki bor teknoliji kiba paka khamtam ha ki lad jingïada, ka ‘Hyundai EXTER’ ka wanrah ïa ka jingshaniah ka ban batai haba ïadei bad kane ka bynta. Ngi kyrmen skhem ba ka ‘Hyundai EXTER’ kan tam pud ïa ki jingkhmih lynti jong ki nongthied bad ban pyntikna biang ïa ka kyrdan ka Hyundai kum ka lad jingpynbiang kaba paka tam bad ba hakhmat eh ka India ha ka liang ka leit ka wan.”
U nongïalehkai kriket ba paw ka ri, u Hardik Pandya u dei u nonglam ktien ba kyrpang na bynta ka ‘Hyundai EXTER’.
