Jowai, Naitung 13:
Ka kynhun ki paid Karbi ryngkat bad ki pulit ka Assam ha ka Sngi Balang ki la wan hiar bad jynrat naphang haduh 800 tylli ki dieng kiba la thung dang shen ha ka shnong Lapangap.
U Waheh Shnong ka Lapangap, Bah Deimonmi Lyngdoh u la ïathuh ba kine ki dieng ki dei kiba la ai da ka Meghalaya Basin Development Authority (MBDA) lyngba ka Japan International Cooperation Agency (JICA) na ka bynta ban pynjyrngam ïa ki lum ki wah kiba la syllen ha kane ka shnong.
U la ong ba ki paid Karbi ki la wan ha ka por kumba 12 baje mynsngi bad jynrat naphang ïa kine ki dieng kiba thung dang shibnai mynta. U la ong ba ki la thung haduh 21,000 tynrai dieng ha ka jaka ba la tip kum u Lum Moo Pyrdet Pynthor.
Kumta na ka liang ka dorbar shnong ka la pyrshah jur ïa kane ka jingwan thombor ki paidbah Karbi shapoh shnong poh thaw tang na ka bynta ban ïoh kyntur pud sha Meghalaya.
Halor kane ka jingjia, na ka liang ka shnong Lapangap ka la ujor sha u Deputy Commissioner ka West Jaiñtia Hills, Bah BS Sohliya ha ka Sngi Palei ban kyntu ïa u ban shimkhia bad tuklar ïa kane ka jingwan thombor jong ki Karbi.
