Nongpoh, Naitung 14:
Ha kawei ka jingjia mynta ka step phyrngab ha Ri Bhoi, ar tylli ki ïing briew bad ki dukan kiba don marjan ki la ingkhong khait na ka jingbam duh ki thylliej ding. Kane ka dei kaba la jia ha ka shnong Umdoh 18 Mer.
Katkum ka tyllong khubor, la ïathuh ba ka daw jong ka jingkem ding jong kitei ki ïing bad ki dukan ym shym la tip satia, hynrei la don kiba ïohi nyngkong da ki briew kiba ïaid ba ïeng, kiba la pyntip pat sha ki para shnong bad ruh sha ki pulit pynlip ding.
Na ka liang ki briew shnong ki la pyrshang ban pynlip ïa katei ka ding, hynrei kim lah shuh. Dei tat haduh ynda wan poi ki pulit pynlip ding yn sa lah ban tem ïa katei ka ding kaba la klang bha bad la ïohi ba kitei ki ïing bad dukan ki la ingkhong lut khait.
Katkum ka tyllong khubor ba la ïoh lum, la ïathuh ba kine ar tylli ki ïing ki dei ba long trai da ka Kong Shebil Pohshna bad ka Pansngiatshisha Khriam. Halor kane ka jingjia, na ka liang ki bor pulit ki dang pynlong ïa ka jingtohkit ban lap ïa ka daw jong katei ka jingkem ding kitei ki ïing bad dukan ha katei ka shnong.
