Jowai, Naitung 14:
Ha ka jingjia ïatyngkhuh kali hapdeng ka bos kamai na Umrangso-Jowai-Shillong bad ka trok 16 shaka, ka la wanrah ka jingmynsaw ïa kiba bun ki nongshong kali.
Kane ka jingjia ka la jia ha ka step Sngi Thohdieng ha ka shnong Khonshnong, West Jaiñtia Hills District.
Katei ka bos kamai ka dei kaba don ïa u nombor ML-05-W-3993, katba ka trok 16 shaka ka don ïa u nombor AS-01-PC-7426 kaba kit dewbilat.
Ha kane ka jingjia, ka bos ka la lait thaw na ka jinghap sha synrang wat hadien ba ka bynta ba shadien jong ka, ka la poi shabar ka surok.
La ïathuh ba ki nongshong kali ba shong ha ka bos bun ki la mynsaw khamtam u nongñiah namar ka jingïatyngkhuh ka dei na ka liang jong u.
Na ka liang ki nongïalam shnong, nongshong shnong ka Khonshnong mar sien tip ïa katei ka jingjia ki la leit ban ai jingïarap bad pynkit noh mar-mar ïa kiba la mynsaw sha ki jaka ai jingsumar.
