Khliehriat, Naitung 16:
Ki pulit jong ka East Jaiñtia Hills District ki la kem ïa 2 ngut ki longkmie ryngkat u drok ‘heroin’ ba shongdor T. 1.6 klur.
Kitei ki longkmie ki dei ka Hoihoi Hanhal (35 snem) na Langol District, Imphal West, Manipur bad ka Lhing Hohoi (40 snem) na Langol District, Imphal West, Manipur.
Kitei ar ngut ki longkmie kiba mih na Silchar bad thmu ban kiew sha thaiñ Khliehriat, la ïoh kem na kawei ka Sumo kaba don ïa u No. MZ-4A-2997.
Ki pulit ka ANTF ryngkat ki pulit ka Khliehriat Police Station ki la pynlong ka jingap shrip ïa ki ha Nongsning.
Na kitei ar ngut, la ïoh kurup 10 tylli ki synduk sabon ba don ïa u ‘Heroin’ ba shongdor T. 1.6 klur.
Kumta la pynngat ïa ki hapoh ka aiñ NDPS bad ka jingtohkit ka la ïaid shakhmat ban lap sa ïa kiwei kiba donkti.
