Shillong, Naitung 17:
Ka Hynñiewtrep National Liberation Council (HNLC) ha ka sien banyngkong ka la ïoh ban wan leh burom ïa u khlawait ka jaidbynriew – u Tirot Sing Syiem ha ka lyngkhuh sngi ïap kaba 188 snem jong u.
Ki dkhot ka seng haba shit haba shai hapoh ka jingïalam u Vice-Chairman, Bah Manbhalang Jyrwa ha ka Lah Sngi U Blei ki la wan ïashim bynta ha ka jingïalang kynmaw burom ïa ka lyngkhuh sngi ïap utei u ‘riewkhraw ka jaidbynriew bad buh ruh ïa ki syntiew hakhmat u mot dur ba shi rynïeng jong u Tirot Sing uba ha Madan Ïewrynghep.
