Shillong, Naitung 17:
Kawei ka kali Mahindra pik-up ka la pynmih ïa ka tdem kali kaba la pynlyuh hi pum ïa ka surok bad ki pulit ka West Garo Hills ki la pynïasyriem ïa kane ka jingmih tdem bad ka jingpynher ïa u ‘Rocket’ LVM-3 Chandrayaan. Une u ‘Rocket’ u dei uba la pynher na ryngkew ha kine ki khyndiat sngi ban poi sha u Bnai.
Ha kane ka video, la sakhi ba kane ka kali kaba la ïaid lyngba ka Tura Civil Hospital ka la pynmih ïa ka tdem kaba ishyrkhei haduh katta katta haduh ba ban ïaid kiwei ki kali ruh ym ikop shuh ba kin imat.
Na ka liang ki pulit ka West Garo Hills, ha ka rynsan ‘social media’ ka la pynïasyriem ïa kane ka kali kaba don ïa u nombor ML-08B-1338 bad u ‘Rocket’ LVM-3 Chandrayaan, uba dei u ‘Rocket’ uba dang shu dep ban pynher shen da ka Indian Space Research Organisation (ISRO). Ki pulit ki la ong ba hana une u ‘Rocket’ u dei jong ka Tura bad u la hap noh ha thanat Tura.
Ki pulit ka West Garo Hills ki la thoh ruh ba baroh kiba don hapoh jong kane ka kali ki khlem ïakynduh ïa kano kano ka jingmynsaw hynrei ka syrnod Pollution Under Control ka dei ka bym treikam shuh.
Shuh shuh, ha kane ka jingïalehkai ktien, ki pulit ka West Garo Hills ki la thoh ruh ba ki la set noh ïa katei ka kali ban lait na ka jingpyn jaboh ïa ka mei mariang bad kumjuh ruh ïa u Bnai.
Ha kajuh ka jingthoh, ki pulit ki la kyrpad ruh ïa ka Tura Municipal Board ban pyndonkam na ka bynta ban pyntdem ïa ka sor Tura ban lait ki skaiñ ki pyrjong.
