Shillong, Naitung 18:
U General Secretary ka seng United Democratic Party (UDP) u Bah Jemino Mawthoh ha ka sngi Ba-ar u la kren shai bad ong ba ka UDP kam don jingïadei eiei ruh em bad ka kynhun synrop National Democratic Alliance (NDA) ba ïalam da ka BJP ha ka Sorkar Pdeng.
“Ngim dei hi ruh ki paralok ba ïatreilang bad ka NDA,” u la ong ha ka kyrwoh bad bynrap ba ka North East Democratic Alliance (NEDA) kala dep pynlong ïa ka jingïalang bad baroh ki seng riewlum shisien ha ki por bala leit noh ban ïakren halor ki kam pynroi hapoh ka thaiñ.
“Hynrei, nga kwah ban pynshai ba ngim don jingïadei ne ïatreilang bad ka NDA bad ki nongrim treikam jong ki seng riewlum ki ïapher bak-ly-bak bad ki nongrim treikam jong ka NDA,” u la ong.
