Shillong, Naitung 18:
U MLA ka Mawryng-kneng konstitwensi, u Bah Heavingstone Khar -pran u la leit ban ïakynduh ïa u Director ka NEIGRIHMS, Shil-long, u Nalin Mehta ban ïakren halor katto-katne ki mat kiba ïadei bad ki samla pule.
Ha kane ka jingïa-kynduh, u Bah Heaving-stone u la pan ka jingpynshai na u Director halor ka rukom thung-kam thungjam ha kane ka jaka sumar.
Na ka liang u Director u la pynpaw ba ka jingthungkam hi ka long beit thik katkum ka kyndon ba la buh ka Sorkar India.
U Director u la pynpaw ruh ba mynta kan ym don shuh ka ‘Personal Interview’ hynrei ka jingthungkam kan long beit thik halor ka ‘Entrance Exam’ ba ki khynnah ki thoh bad ki jingpynbna kin mih na ka por sha ka por.
U MLA u la pynsngew ïa ka jingangnud ba na ka liang ka NEIGRIHMS kan pynlong ïa ka jingai dawai ei (Free Health Camp) ha kylleng ka Mawryngkneng konstitwensi ïa kaba u Director u la ai ka jingmynjur.
U MLA u la pynpaw ruh ba ïa ka jingthung kam hi un kham kwah hi ïa ki khynnah kiba sah ha ki shnong ba marjan jong kane ka jaka sumar ïa kaba u Director u la pynpaw kajuh ka jingsngew.
Na ka liang u MLA u kyntu ïa ki samla jong ka konstitwensi kiba kwah kam ha kane ka jaka sumar ba kin trei shitom bad khreh kot bha ban pynkhreh ïa ki eksamin ba ka NEIGRIHMS ka pynlong bad ba kin buddien ïa ki jingpynbna laitkam ha kane ka jaka sumar.
