Shillong, Naitung 19:
Ki shipai Border Security Force (BSF) ha ka sngi Ba-ar, kila ïoh ban kurup haduh 37 tylli ki masi na khappud ka East Khasi Hills, kiba thmu ban khaïi tuh na India sha Bangladesh.
Ka kynhun pahara ki shipai BSF kiba la apshrip ïa kane ka jingkhaïi tuh hadien ka jingïoh ïa ka khubor ba thikna ba kan don ka jingwanrah ïa ki masi ban khaïi sha Bangladesh.
Ka kyrwoh khubor na ki BSF ka la ong ba ha kane ka jingkhynra, ki nongkhaïi kila ïoh ban phet krad na kane ka jaka da kaba shim kabu ïa ka jinglong ka jaka bad ieh noh shadien ïa ki masi. Ïa kine ki masi la aiti noh sha ki pulit ba kin leh ïa kaba donkam.
