Khliehriat, Naitung:
Wat hadien ba ki bor pynïaid District jong ka East Jaintia Hills District ki la pynmih ïa ka hukum ban khang pyrshah ïa ki kali ban pynïeng halor ka jingkieng Sonapur hynrei haduh kine ki sngi, la sakhi ba ki kali ki leh bym suidñiew ïa katei ka hukum.
Ki nongshong shnong ki la pynpaw ka jingsngewkhia namar ka jingbteng jong ki kali ban pynïeng kali halor katei ka jingkieng kaba lah ban buh jingma ïa ka jingkieng.
Katei ka jingkieng ka dei kaba kongsan bha kaba pynïasoh ïa ka jylla Meghalaya bad kiwei ki jylla kum ka Assam, Mizoram, Tripura bad ki bynta jong ka Manipur.
Lah ban kdew ba u District Magistrate jong ka East Jaintia Hills District ha ka 23 tarik Jylliew u la pyntreikam da ka section 144 CrPC ban khang ïa ka kali ban pynïeng halor ki jingkieng naduh Lumshnong ter ter shaduh Malidor.
