Jowai, Naitung:
Shi bynta ban bud ïa ka jingbthah jong ka National Green Tribunal (NGT) Committee, u Deputy Commissioner jong ka West Jaiñtia Hills District u la kyntu ïa kino kino ki kynhun ne ‘riewshimet kiba don mon, ba kan don ka jingdie lilam kyllum ïa u dewïong ba la ïoh kurup ha ki jaka bapher bapher ka distrik.
Une u dewïong dei uba don ha ki saw tylli ki jaka kynthup ha Phramer Traffic Cell, Phramer 70Mt. Police Reserve Jowai 45760 mt, ha Khlookynring 21.12Mt bad ha kiwei kiwei ki bynta ka Shkentalang 1031 Mt.
Ka tarik bad ka por ban pynlong ïa kane ka jingdie lilam kan long ha ka 1 tarik u Nailar ha ka por 12.30 mynsngi. Ka dor kaba rit eh na ka bynta shi metric ton ka long 2160.00.
Kino kino kiba don ka mon ban thied ïa une u dewïong ki lah ban phah ïa ka dor tyrwa jong ki ha ka envelope ba la tah bha ryngkat ka jingthoh ha ka kot sada bad kdew shai ïa ka dor kaba ki pan da ki kyntien bad ki number.
Ïa kane ka envelope dei ban phah ha lane shwa ka 31 tarik u Naitung shwa ka por 3.00 baje janmiet ha DC ophis.
Ïa ka kyrteng, jaka sah bad ID Card kiba wan ban thied ïa une u dewïong ki dei ban ai lang bad ka dor tyrwa jong ki.
Ïa ka pisa kaba long T.10,000 kum ka Earnest Money ha ka rukom jong ka Call Deposit dei ban thoh sha u Deputy Commissioner, West Jaiñtia Hills District.
