Khliehriat, Naitung:
Khnang ban lait shem jingeh ki paidbah haba thied ba pet na ka daw ba ki dukan ki kyntait ïa ki pisa nar 10 tangka ha East Jaiñtia Hills District, u Deputy Commissioner jong ka East Jaiñtia Hills District u la bthah ïa baroh ki dukan bad ki paidbah ban pdiang ïa ka pisa nar 10 tyngka kaba pynmih da ka Reserve Bank of India.
U la ong lada lap ïa kino kino ki bym pdiang ïa ka pisa nar 10 tyngka, yn pynshitom pyrshah ïa ki katkum ka section 188 IPC.
Shuh shuh u la ong, katkum ka Section 6(1) ka Indian Coinage Act 2011, baroh ki pisa nar dei ban pdiang ïa ki bad lada kyntait yn pynshitom katkum ki kyndon aiñ.
