Jowai, Naitung 23:
Uwei u rangbah uba la tip kum u Shiva Thapa (52 snem) u la sdien ïalade ha u tyllai phasi ha Salaroh, Jowai.
Une u Shiva Thapa u dei u khun jong u (L) Nar Bahadur Thapa ba shong ba sah ha Moosalyngkat, Jowai bad u trei kum u Muster Roll ha PWD.
Ka khubor pulit ka ïathuh ba la lap ba une u Shiva Thapa u la sdien ïalade ha u tyllai phasi ha ka jaka khlaw ha Salaroh. La ïathuh ba shi bynta na ka met jong u ka la pyut bad ïa une u rangbah la ïohi khatduh ha ka 18 tarik Naitung.
Ki pulit ki la shimti noh ïa ka met ban pyndep ïa ka jingdonkam katkum ka aiñ. Katba na ka liang ki bahaïing ki la kyrpad ban pyllait ïa ka ‘Post-mortem’ kaba na ka liang u majistor ruh u la ai ka jingmynjur. Kumta ki pulit ruh ki la aiti ïa ka met sha ki bahaïing ban pyndep ïa ka niam ka rukom.
