Nongstoiñ, Naitung:
Kum shi bynta ban ai ka jingïatreilang bad ki paidbah nongleit nongwan kiba la ïai pynpaw ïa ka jingeh ka jong ki, ka All Nongstoiñ Shillong Tourist Vehicle Owners & Drivers Association ka la shim ïa ka rai ban pynhiar noh ïa ka bai shong kali na Nongstoiñ – Shillong bad na Shillong – Nongstoiñ na ka T. 300 sha ka T. 200 shi khlieh.
Haba kren ha u nongthoh khubor ki nongkitkam katei ka Association ki la ïathuh ba ka Association ka la shim ïa katei ka sienjam ban pynhiar noh ïa ka bai shong kali ka long hadien ka jingud jingnam jong ki paidbah nongïaid nongïeng bad ki nongshong kali ha kaba kane ka la poi ruh sha ki shkor jong ki nongkitkam ka Association bad da ka jingsngewkhia ki la shim ïa katei ka rai ka ban long ka jingïabit ïa biang ïa baroh lang.
Shuh shuh ki la ïathuh ruh ba kane ka jingpynhiar ïa ka bai shnong kali lane ka jingsdang ban shim 200 tyngka marwei ka Association yn sdang ban pyntreikam noh naduh ka 1 tarik Nailar, 2023.
