Shillong Naitung 25:
Ki pulit jong ka West Garo Hills ha ka Sngi Ba-ar ki la kem noh ïa 18 ngut kiba donkti ban thaw jingkulmar ha ka miet Lah Sngi U Blei da kaba lun maw ïa ka shlem treikam u Myntri Rangbah kaba don ha Tura. Kine kiba shah kem ki kynthup ïa 7 ngut na ka seng saiñ pyrthei BJP bad 11 ngut na ka TMC.
Ki 18 ngut kiba la shah kem na ka seng saiñ pyrthei TMC bad BJP ki kynthup ïa u Bartho Ch. Sangma 19 snem na Dalu, WGH (BJP), u Bregrimseng S Marak 19 snem na Baghmara, SGH (TMC), u Pangchu R. Sangma 18 snem na Siju, SGH (TMC), u Kimkim K. Sangma 32 snem na Tikrikilla, WGH (TMC), u Lastbirth M Marak 23 snem na Ampati, SWGH (TMC), u Sangra R. Marak 32 snem na Baghmara, SGH (TMC), u Greatster N. Marak 27 snem na Ampati, SWGH (TMC), u Salseng Ch. Momin 28 snem na Araimile, WGH (BJP), u Brendip R. Marak 34 snem na Dalu, WGH (BJP), u Akanrik M. Sangma 21 snem na Araimile, WGH (BJP).
Nalor kane la kem ruh ïa u Khuswant M. Sangma 33 snem na Dakopgre, Tura (BJP), u Tengchang D. Sangma 20 snem na Siju, SGH (TMC), u Tengma Ch. Marak 28 snem, na Mahendraganj, SWGH (TMC), u Jaseng Ch. Marak 40 snem na Baghmara, SGH (TMC), u Gamchu R. Sangma 20 snem na Siju, SGH (TMC), u Kebin Ch. Marak 28 snem na Damalgre, SWGH (TMC).
Nangta, ki pulit ki la kem ruh ïa ar ngut ki kynthei kiba dei ki dkhot jong ka BJP Mahila Morcha kiba kynthup ïa ka Bellina M. Marak 32 snem na Dobasipara, WGH bad ka Dilche Ch. Marak 40 snem na Tura, WGH.
Katba ki pulit kiba la mynsaw ha katei jingkulmar ki kynthup ïa u Bitching N Marak, Esther R. Marak, Kingstar Ch Momin, Bikram Chettry, Deved R Marak, u Gopbison R Marak, Gracefield K Sangma, Lazarus T Sangma, Cliver B Marak, Mrithon P Sangma bad ka pulit Homeguard kaba la mynsaw la tip kyrteng kum ka Princia S Sangma.
Na ka liang ki pulit CRPF kiba la mynsaw ki kynthup ïa u Shesh Nath, Horel Prasad Tiwari, CS Ronald, u Nilesh Rathore, u Ramjee Singh, u Amrit Kandula bad u AK Lakhikanta.
