Shillong, Naitung:
Ka Synjuk Ki Waheh Shnong Jowai lem bad ka Jowai Municipal Board bad kiwei ha ka Lah Sngi U Blei ki la pynpaw hakhmat ka Meghalaya High Court ba ka jinglum ïa ki ñiut ki ñier na sor Jowai ka la ïaid beit kumba ka long mynta.
Lehse, ka High Court ka la ong, ba ki sienjam ba la shim ha ka por jong ka lehniam Behdieñkhlam ka la ïarap ban pynduna ïa ka jingeh namar ka jingsatah ka ñiut ka ñier ha Jowai. Ka High Court ka la ong ba ïa kita ki sienjam ym dei satia ban weng bad na ka liang ka Municipal Board bad ki bor distrik, ryngkat ka jingïatreilang bad ki Rangbah Shnong, ki dei ban pynthikna ba ka jingkit ïa ki ñiut ki ñier kan long beit kaba ïaid ryntih.
Ka jingbishar kan long biang ha ka 14 tarik Nailar, 2023 bad ka sorkar kan hap ban batai ïa ka jingïaid jong ka kam ha kaba ïadei bad ka jingshna ïa ka jaka bret ñiut ïa kaba la thmu ban pyntreikam noh hashwa ban kut snem.
