Nongstoiñ, Naitung 26:
Ka shlem treikam jong u Syiem ka Hima Nongmynsaw, Nongmynsaw Syiemship ha ka jingïalam jong u Acting Syiem ka Hima, u Pa’iem Phlowing Syiem Nongbah bad u Secretary ka Hima u Bah Johnes Sohshang, ha ka 26 tarik u Naitung, 2023 ka la leit ban aiti ïa ka ‘Resolution of Willingness’ ne ka rai jong ka mon u paidbah nongshong shnong jong ka Hima Nongmynsaw sha u Deputy Commissioner (DC) ka West Khasi Hills District.
Katkum katei ka jingthoh ïa kaba ka Hima Nongmynsaw ka la aiti sha u DC, la ong ba kine ki shnong ki dei kiba hap ha ka thup jong ki ‘Area of Difference’ hapoh ka Langpih Sector bad ki pyni bad pynsngew ba ki mon bad angnud ban don beit hapoh jong ka Jylla Meghalaya ha ka jingïapynbeit ïa u pud u sam jong ka Sorkar Meghalaya bad ka Sorkar Assam ha kane ka wat ba-ar.
Na ka liang ka shlem treikam u Syiem ka Hima ka la pynpaw ruh hakhmat jong u Deputy Commissioner ka West Khasi Hills District ba ka Regional Committee ïa pynbeit pud ka donkam ban sngap katkum ka jingkwah bad ïa ka mon u paidbah bad kumjuh ba ki arliang sorkar kin burom bad kin pdiang ïa katei ka rai bad ka mon jong ki paidbah.
