Nongpoh, Naitung 26:
Uwei u rangbah briew ba la 40 snem ka rta u la duh noh ïa la ka jingim hadien ka jingleit tyngkhuh ïa u sainar ilektrik uba la dkut bad hap hapdeng ka surok na Umden sha Umshaken ha Ri Bhoi District.
Katkum ka jingtip ba la ïoh, la ïathuh ba katei ka jingjia, ka la jia ha ka por kumba 2 baje eiei ha ka sngi Balang, ha ka por ba dang jur bha u slap. Utei u rangbah u dang thmu ruh ban leit sha Umshaken da ka ar shaka (bike) ka jong u, hynrei naba u khlem ïohi ïa utei u sainar ilektrik uba la hap ha surok, u la kum tyngkhuh kat haduh ba ki bynta jong ka met ki la ing bad khlad syndon ha katei ka jaka.
Ïa ka met kaba sah jong utei u rangbah ba la tip kyrteng kum u Neverson Nongkseh la pynkit noh sha Nongpoh Civil Hospital na ka bynta ban pyndep ïa ki jingdonkam katkum ki kyndon aiñ. Katba u heh pulit ka Ri Bhoi, u Giri Prasad u la ïathuh ruh ba na ka liang ki pulit ki dang pynlong ïa ka jingtohkit kaba bniah halor katei ka jingjia.
