Jowai, Naitung:
Katkum ka shithi ba la ïohpdiang na ka Indian Oil Corporation Limited, Guwahati, ka la ai jingmut ïa baroh ki nongpyndonkam tyndong LPG ba kin pyndonkam ïa ki tiar Gas da kiba don ïa ka shap ne ka jingthoh ISI bad ruh ban bujli ïa u Pipe (Hose Pipe) man la ka 5 snem na ka tarik ba la shna ne pynmih (Manufacturing date).
Kumta, ka shlem treikam u Deputy Commissioner (Supply) ka kyntu ïa baroh ki nongpyndonkam ïa ka tyndong lyer shet jingshet ne ka LPG, ba kin bud ïa ka jingbthah kaba donkam khnang ban ïoh ïa ka jingshngaiñ (safety) ha ki longïing longsem kumjuh ïa kiba ker sawdong baroh.
