Jowai, Naitung 28:
U Deputy Commissioner ka West Jaiñtia u la pyndam noh ïa ka Notice No. GEN-235/Coal Auction/NGT/Pt-I/2020 /168, Dated 18th July 2023 kaba ïadei bad ka jingdie lilam kyllum ïa u dewïong namar ba la ïohpdiang ïa ka jingujor bym biang ka jingkheiñ jingdiah jong u dewïong katkum ba la kdew ha ka ‘Auction Notice’.
U la pyntip ba ïa ka jingpynbna kaba thymmai yn sa pynmih hadien ba la dep ban kheiñ bad pyntikna ïa u dewïong.
Ïa kito kiba la dep thep kyrteng ban thied ïa u dewïong bad kiba la wan ai ruh ïa ka ‘Earnest Money’ katkum ka jingpynbna kaba la shah pyndam, ki lah ban wan shim noh ïa ka pisa na ka shlem treikam u Deputy Commissioner naduh ka 1 tarik u Nailar (August) haduh 4 tarik Nailar (August).
