Tura, Naitung:
Ka jingkiew ka bai bording ha Ri-lum Garo ka la long shaba palat pud ha kaba wat ki paidbah kiba don ïa ki jingpynïasoh BPL ki ïoh ïa ka bai bording kaba T. 3,500 wat la kim ju da kham ïoh bha ïa ka bording na bynta palat 12 kynta.
Kaba sngewlyngngoh ka long ba baroh kito kiba ïoh ïa ki ‘bill’ kiba heh ki la kynnoh ba ki la pyndait ïa ki ‘Smart Meter’ ha ki ïing ki sem hadien ba kine ki tiar kim shym la ai shuh ka jingshaniah.
Uwei u nongshong shnong na Garobadha, South West Garo Hills dang shen u la sei madan ïa ka ‘bill’ jong u ha ka rynsan lad pathai ha kaba u don tang 2 tylli ki ‘bulb’ ban ïohi ha ka por mynmiet. Ka longïing kam kot bor hi ruh na bynta ban buh ïa ka pakha bad ki im khlem kata. Ki la ïoh ïa ka lad pynïasoh lyngba ka BPL hynrei ki la dumbuit hadien ba ki la ïoh pdiang ïa ka ‘bill’ kaba T.3655 tang na bynta shi bnai.
Ha kajuh ka por, ki la ïoh pdiang biang ïa kaba kum katei kajuh ka ‘bill’ ha u bnai ba la dep hynrei ki la dep siew namarba tieng ïoh shah ot ka bording.
Kane kam dei tang kawei ka jingjia naba ki la mih bun bah kiba la sdang ban paw pyrthei.
Hashuwa, ha sor Tura, uwei u nongñiah ‘Auto’ uba don ïa ka ïing kaba tang 2 kamra u la shaïong hadien ba u la ïoh pdiang ïa ka ‘bill’ kaba palat T.11,500 na bynta shi bnai bad kata ruh ha ka por ba ka Ri-lum Garo ka mad ïa ka jingpynlip bording kaba 10 kynta.
Ha kawei ka liang, ki nongshong shnong ka Ri-lum Garo ki la sdang buh jingkylli halor ka jingbteng ka jingpynlip bording ha ka thaiñ watla ka thaiñ ka biang ka um ka wah ban pynmih bording na bynta ka Jylla. Kiba bun ki jaka ba kynthup ïa ki jaka sor ki dang mad ïa ka jinglip bording kaba 3-4 kynta watla ka um ka wah ka dap ka biang.
“Kumno ka tnad ka dang pynlip bording wat ha kum kane ka por haba baroh ki wah ki dap, kumjuh ka jingpynmih bording. Sa katno bnai ki briew kin hap ban jynjar namar ka jingbamsap ha ka MeECL?,” la ong sa uwei na Mendipathar, North Garo Hills u bym kwah pynpaw kyrteng.
Hashuwa, ki bor ba dei khmih ka MeECL ki la kam ba la siew da ki kam sha kawei kag tang na bynta katto sha ngi. Lada ka long kumne, balei la pan kylliang pat ïa kata kawei bad ka la leit shaei. La thait ïa kane ka jingai daw naba baroh ki la sngewthuh ba phi pyrshang ban die ïa kane ka bording shawei pat,” la ong sa uwei u nongshong shg tang na bynta katto sha ngi. Lada ka long kumne, balei la pan kylliang pat ïa kata kawei bad ka la leit shaei. La thait ïa kane ka jingai daw naba baroh ki la sngewthuh ba phi pyrshang ban die ïa kane ka bording shawei pat,” la ong sa uwei u nongshong shnong.
