Shillong, Nailar 01:
U Justice Biswadeep Bhattacharjee u la ba smai kum u Additional Judge jong ka ïingbishar Meghalaya High Court. Ïa u Biswadeep la pyntian smai ha ka Sngi Ba-ar da u Chief Justice ka ïingbishar Meghaya High Court u Sanjib Banerjee.
Ïa u Bhattacharjee la kha ha ka 26 tarik Lber, 1968 ha Shillong bad u la pyndep ïa ka LLB na North Eastern Hill University (NEHU), Shillong.
U la rung sha ka Bar bad sdang ïasaid aiñ kum u muktiar naduh u Nailur 1993. Shuwa kane ka jingkiew kyrdan, u la shakri kum u Additional Advocate General (AAG) ka Meghalaya naduh ka 6 tarik Nailur, 2018. Haba shakri ha kane ka kam, u la shah thung ruh kum u senior advocate ha ka 24 tarik Nailur, 2023 da ka ïingbishar Meghalaya High Court.
