Tura, Nailar 01:
Uwei u briew u la duh noh ïa la ka jingim na ka jingshah hiar thma ha ka kynhun jong ki hati khlaw kaba la jia ha ka miet jong ka 31 tarik u Naitung ha ki bynta jong ka Rilum Garo.
Katkum ka khubor kaba la ïoh la ong ba kane ka jingjia ka la jia ha ka shnong Kurung jong ka Pedaldoba kaba hap hapoh ka thaiñ Tikrikilla ha West Garo Hills.
Ïa une u briew uba la duh noh ïa la ka jingim la tip kyrteng kum u Milendro Momin ba la 59 snem ka rta. Une u briew u dei ruh u nongrep uba khmih ïa ki lyngkha kba lem bad arngut ki bahaïing.
La ong ba kine ki briew ki la ïohi ïa ka jingwan u hati ha ka por kumba 1 baje eiei mynmiet. Haba ki pyrshang ban beh, ka la pynbitar ïa ki hati kiba la beh kylla bad lap ïa une u nongrep bad kyrdem ïa u haduh ban da ïap.
Kane ka jingjia ka la jia marjan khappud bad ka Assam kaba dei ka jaka ba shait wan bha ki hati khlaw ban wad bam.
