Shillong, Nailar:
Kawei na ki kompani ai jingshakri Telecom ka India ka Vi, ryngkat ka jingïatreilang bad ka Apna, ka la ïarap ban pynïoh haduh palat 10,000 tylli ki kam sha bar ri na ka bynta ki samla ka India ha ka rynsan jong ka Vi Jobs & Education platform ha ka Vi App. Ka jingthmu jong kane ka sienjam ka long ban ïarap ïa kiba ki lah ban ïaid shaphrang ha ka jingim jong ki bad ba kin ïoh ïa ka lawei kaba bha.
Ki nongpyndonkam ïa ka Vi ki lah ban apply na ka bynta ki kam kiba lait sha bar ri ha ki karkhana shna jingshna, ki jaka die jingdie, ki jaka treikam ba ai jingshakri na ka bynta ki kam khaïi pateng, ki jaka trei ba ai jingshakri na ka bynta ki nongthied, ki jaka treikam kiba peit ïa ki jingpynpoi ïa ki tiar ki tar bad pynbiang ïa ki jingdonkam bapher bapher, bad kiwei kiwei ha kylleng ki ri ka pyrthei kum ha UAE, Japan, Malaysia, Russia, Germany, South Africa, Australia, Canada, bad UK.
Kito kiba apply na ka bynta kum kine ki lad ki kabu ki donkam ban pyndep ïa ka jingpule ha ka kyrdan Graduate, ki dei ban don ïa ka certificate ITI, lane ki Specialized Diploma. Ki nong apply kidei ban long kiba don ïa ka sap kaba ïahap bad ka kam ba ki apply bad ki dei ruh ban long kiba la ju trei teng ha kum kine ki kam ha India.
