Shillong Nailar 02:
Ha ka step jong ka 2 tarik u Nailar 2023, ki pulit ki la ïoh ban kem noh ïa uwei u nongkhaïi drok na Ïewduh najan ka jaka ïeng kali jong ka MUDA kaba hap hapoh ka Cantonment Beat House.
Ha katei ka jingïoh kem ïa utei u khynnah, ki pulit ki la lap bad ïoh kurup noh ïa kawei ka synduk sabon kaba don ïa u drok Heroin uba don ka jingkhia 10.89 kram, kawei ka mobile phone bad shijur ki juti kiba la song bha hapoh ka synduk kaba la pyndonkam ban buhrieh ïa u drok.
Katkum ka khubor ba la ïoh na u Superintendent of Police (SP) City, Bah Vivek Syiem, la ïathuh ba utei u khynnah u la thmu ban pynpoi ïa utei u drok sha Nongstoiñ ha ka jingsuhbuit lem bad uwei u nongkhaïi napoh katei ka thaiñ bad na ka liang ki pulit ruh ki la ïoh ban kem noh ïa utei u nongkhaïi napoh Nongstoiñ.
