Shillong, Nailar:
Ka Toyota Kirloskar Motor (TKM) ka la aiti ïa shibun tylli ki kali Toyota Hilux sha ka tnad shipai Indian Army, ba kane ka long ka sien ba nyngkong na ka bynta ka kompani ban pynpoi ïa kine ki kali. Ka Northern Commang ka la leh bun jait ki jingkhmih bniah ïa kine ki kali ban tip ïa ka jingtreikam jong ka, bad ka long shisha ka kali kaba lah ban treikam wat ha ki jaka ba raieh-raidam bad ki jaka kiba ka jinglong jingman ka suiñ bneng ka long kaba tasam haduh katta katta. Kane ka kali kaba paw bha napdeng ki jait kali kiba biang ban pyndonkam ha ki liang bapher bapher ka dei ka kali ba la ithuh da ka pyrthei baroh kawei namar ka jingskhem jong ka, kaba neh bha, bad kaba lah ban ïaid ha ki lynti kiba eh bad ba jynjar.
