Bosnia:
Ka Sarajevo Film Festival kan sa pynkup burom kyrpang ia u Charlie Kaufman ha kaba ïadei bad ki kam ba u trei bad ka jingnoh synñiang sha ka karkhana pynmih phlim.
U Kaufman uba direk ia ki phlim kum ka Being John Malkovich ula shah jied kum uwei na ki ban shah pynkup burom kyrpang ha katei ka tamasa ka ban long naduh ka 11 haduh ka 18 tarik mynta u bnai.
U Jovan Marjanovic, uba dei u Director jong ka Sarajevo Film Festival lyngba kawei ka jingthoh ba ula pynmih ula pynpaw ka jingsngewkmen ban pynbna ia ka kyrteng u Kaufman kum u nongshah pynkup burom ha kane ka tamasa mynta u snem.
Shuh shuh u Jovan ula ai jingiaroh ruh ia ki kam ba la trei da u Kaufman kiba long khraw haduh katta katta.
Napdeng ki phlim ba paw bha jong u Kaufman ki kynthup ruh ia ka Human Nature, Confe ssions of a Dangerous Mind, Eternal Sunshine of the Spotless Mind, Synecdoche New York, I’m Thinking About Ending Things bad Ano malisa.
Ha u snem ba la leit ka Jesse Eisenberg, Ruben Östlund, Sergei Loznitsa bad Paul Joseph Schrader ki la shah jied ban long ki nongshah pynkup burom kyrpang ha kane ka tamasa.
Mynta snem bun ki khlur ak phlim kin sa wan ban shim bynta ha kane ka tamasa ban pynshongshit bad ha kajuh ka por ban pynshongkun ia ka.
