Shillong, Nailar 03:
Ki BSF ka Meghalaya Frontier ha ka Sngi Balang ki la ïoh kurup ïa ki jaiñphong kum ki Saree bad kiwei kiba shongdor T. 22 lak eiei katba ki katto katne ngut ki nongshong shnong ki dang thmu ban shalan tuh ïa kine ki jaiñ sha Bangladesh lyngba u khappud ha East Khasi Hills.
Katkum ka khubor na ki BSF, la ïathuh ba kita ki briew kiba la thmu ban shalan tuh ki la ieh noh ïa kitei ki jaiñ bad ki la phet krad da kaba shim kabu ïa ka jinglong khlaw jong ka jaka.
Na ka liang ki BSF ki la kurup noh ïa kitei ki jaiñ bad ki la aiti sha ka tnat Customs ba kan leh ïa kaba donkam.
