Tura, Nailar 03:
Kawei ka khynnah 12 snem ka rta ka la shah pynïap dusmon da kaba shah ot na ryndang hadien ba la suba jur ba ka la dep shah leh be-ijot shwa ha kawei na ki thaiñ ha West Garo Hills.
Kane ka jingjia ka la jia ha ka sngi Palei, bad na ka liang jong ki pulit ki la suba jur ïa uwei u para marjan halor kane ka kam ba shyrkhei namar ka jingjah rngai jong u.
Wat la, la suba jur ba kane ka khynnah ka la shah leh be-ijot, hynrei na ka liang ki pulit ki dang ap ïa ka kaiphod ba pura ban pynthikna halor kane.
Shuh shuh na ka liang jong ki pulit ki la suba jur ba kane ka jingshah pynïap dusmon jong kane ka khynnah ka lah ban jia ha ka por ba kane ka khynnah ka don marwei ha ïing, kata wat hadien ba ka la mih na la ïing bad ki kmie ki kpa ban leit sha ïing ïap briew, hynrei la bthah pat ba kan leit phai sha ïing ban pynlip ïa ka bording hynrei kam shym la wan phai shuh.
Hynrei dei tat haduh ka por ba ki kmie ki kpa ki la wan phai sha la ïing kin sa lap pynban ïa la ka khun kaba la thiah lyngktar ha madan hapdeng ka jinglyngkien ka snam.
