Shillong, Nailar 03:
U Lamphang (Speaker) ka Ïingdorbar Thawaiñ ka Jylla u Thomas A Sangma u la ong ba um pat ïohpdiang ïa ka jingpynngat ha ka jingmudui (Chargesheet) pyrshah ïa u MLA ka Mahendraganj u Sanjay A Sangma da ka Meghalaya Lokayukta haba ïadei bad ka jingkynnoh bamsap.
U Sanjay A Sangma, uba dei u MLA ka NPP na Mahendraganj u dei napdeng ki 12 ngut kiba la shah pynngat ha ka jingmudui lyngba ka Meghalaya Lokayukta.
U la ong ba um pat tip e ei namar ba u khlem ïohpdiang ïa ka charge-sheet, bad u don sha Tura.
U la ong ba ka jingtip lehse kan sa poi sha u bad hangta un sa khmih bniah.
U Thomas kum u Lamphang, u la jubab ïa kane haba kylli, la u MLA uba ngat ha kane ka kyndon aiñ u lah ban shah mait kyrteng.
U la ong ba u hap ban khmih ïa ki kyndon ka Ïingdorbar namar ba kum u dkhot u hap ban ïaid ha kano ka bynta jong ka aiñ.
Lah ban pynkynmaw ba ïa ka jingujor la phah da u Kingstone Bolwari Sangma pyrshah ïa u Sanjay A. Sangma bad kiwei pat halor ka jingpyntrei khlem dep ianka projek kaba dei ka MDC Hostel ha Tura kaba kot sha ka T. 6,01,31,100.
Kiwei pat kiba shah pynngat lang ha ka chargesheet ba la phah da ka Meghalaya Lokayukta ki kynthup ïa 9 ngut ki ki MDC barim ka GHADC nalor u secretary ka GHADC nalor 2 ngut ki kontraktor.
