Khliehriat, Nailar 04:
U General Secretary jong ka seng FKJGP, Lama Unit u samla Haniel Syrti, 24 snem rta, ula khlad noh ha ka Sngi Thohdieng hapdeng ka jingshah sumar ha Woodland WK Hospital Sabah Muswang, West Jaiñtia Hills District.
Une u samla u la ngat ha ka jingshah sumar hadien ka jingmynsaw jur na ka jinghap jong ka tnat dieng na ki bynta jong ka khlieh kaba la jia ha ka shnong Lama naduh ka 3 tarik Ïaïong.
Halor kane ka jingjia ka FKJGP ka la pynpaw ka jingsngewsih bad pynpaw ruh ba ka dei ka jingduh kaba khraw ym tang ïa ka ïing ka sem, ka shnong ka thaw hynrei ïa ka seng hi baroh kawei namar u long u briew uba jynsur mynsiem bad uba don bynta ban shakri ïa ka ri bad ka jaitbynriew.
Ka seng ha u kyrwoh lyngba u Bah DH Sumer General Secretary FKJGP EJHD, ka phah ruh ka khubor sngewlem sha ki bahaïing hasem, sha ki lok ki jor baroh kiba don jingïadei bad une u samla.
Yn pyndep ïa ka jingleit ontep ïa une u samla ha 6 tarik Nailar ha u lum jingtep ka Balang Presbyterian Lama.
