Tura, Nailar 06:
Ka jingpynap shrip jong ka tnad pulit ka Jylla bad ki shipai ka 43 Bn BSF ha ka Sngi Saitjaiñ ka la ïalam sha ka jingïoh kurup jong 24,000 kilo u kwai uba shong dor T.48 lak na South Garo Hills.
Katei ka jingpynap shrip ka la long ha ki thaiñ khappud ka Rongara hapoh South Garo Hills District, ha kaba ka kynhun ka la lap ïa u kwai uba la song bha bad uba la bret shajan jaka khappud da ka jingthmu ban leit rah sha Assam.
Ïa utei u kwai la kurup bad la aiti noh sha thanad Rongara ban leh ïa kaba donkam.
Ha kawei ka liang, ki shipai ka 04 Bn bad 172 Bn BSF Meghalaya ki la kurup noh ïa ki jaiñ phong kiba shong dor palat T.20 lak na ka jaka khappud ka East Khasi Hiils & East Jaiñtia Hills, kiba la thmu ban shalan tuh sha Bangladesh. Ïa kitei ki mar la aiti noh sha ka ophis ka tnad Customs ban leh ïa kaba donkam.
