Shillong, Nailar:
Ka Umpling Sports Club ryngkat ka jingïatreilang bad ka Dorbar Shnong Umpling ha ka sien ba ar ka la rakhe ïa ka Independence Day ha ka 15 tarik, Nailar, 2023 ha madan Mawarling, Umpling, Dong Shaneng. Ha kane ka sngi la leit ban ïashim bynta da 7 tylli ki skul hapoh shnong Umpling kata ka St. Rose Secondary School, Umpling Presbyterian Secondary School, B.S.F. Senior Secondary School, Hubert Memorial Higher Secondary School, Rose Bud Secondary School, Lawei Progressive School bad ka Joyville School.
U Kongsan ha kane ka sngi u long u MLA ka 13 Mawryngkneng Legislative Assembly, Bah Heavingstone Kharpran ha ka jingïadonlang i Bah Latiplang, MDC jong ka Nongthymmai Constituency kum u Symbud Kongsan.
