Shillong, Nailar:
Kum ka dak ban rakhe ïa ka jingdap 77 snem jong ka jingïoh laitluid ka ri India, kawei na ki kompani ba ai jingshakri ha ka liang ka Telecom, ka Vi ka la pynmih ïa ki jingtyrwa ki ban khring ïa ki nongpyndonkam kiba leh da ka Pre-paid. Naduh ka 12 haduh 18 tarik u Nailar, ki nongpyndonkam ïa ka Vi ki lah ban jop ïa shibun ki jingshakri ha ka dor kaba bit bad ki lah ruh ban ïoh ïa ki khusnam kiba biang ha ka Vi app.
Ban pyntikna ba ki nongpyndonkam kin ym thud ka jingpyndonkam Online jong ki kum shi bynta ka jingrakhe ïa ka jingïoh laitluid, ka Vi ka la wanrah ïa ki jingtyrwa ka ban pyntikna ïa ki ba kin ïoh myntoi haduh 50GB, ha baroh ki Unlimited Data Recharge kiba la palat ïa ka 199 tyngka. Nalor kane, ki nongpyndonkam ïa ka Vi kin ïoh ruh ïa ka Recharge kaba la pynduna dor da 50 lada ki Recharge da kaba 1449 tyngka bad 75 tyngka haba ki Recharge da ka Pack kaba 3099 tyngka.
Nalor kane dang don shuh shuh sa kawei ka jingtyrwa kaba sngewtynnad ha kane ka jingrakhe, ka Vi kan sa buh ïa ka jingïakob ha kaba ki nongpyndonkam ïa ka Vi App ki lah ban pynshad ïa ka shaka ne ‘Spin the Wheel’. Kum shi bynta jong kane ka jingïakob, yn sa don ki nongjop ki ban ïoh ei ïa ka Recharge Pack kaba 3099 tyngka bad kaba treikam na ka bynta shi snem. Nalor kane ka jingïakob ka don ruh sa kiwei ki khusnam, kaba kynthup ïa ka jingïoh ruh sa 1 GB lane 2 GB ka Data, lah ban Subscribe sha ka SonyLiv, bad kiwei, kaba plie ïa ki lad ki kabu ban jop lada pyndonkam ïa ka Vi. Kine ki jingtyrwa ba la kdew haneng lah ban ïoh tang lada pyndonkam ïa ka Vi App.
