Jowai, Nailar:
Ka Meghalaya Assembly Committee on Women Empowerment ha ka Sngi Ba-ar ka la hiar sha West Jaiñtia Hills District, Jowai bad pynlong ka jingïalang bad ki tnad ba dei khmih ban ïamir jingmut halor kiba bun ki mat kiba ïadei bad ki kynthei khynnah hapoh ka distrik.
Ïa kane ka jingïalang ba la pynlong ha Conference Hall jong ka ophis Soil & Water Conservation ha Mihmyntdu, Jowai ba la khlieh da ka MLA ka Sutnga Saipung, ka Kong Santa Mary Shylla ha ka jingsynranlang kiwei pat ki dkhot jong ka komiti ba kynthup ïa ka Miani D. Shira, Bah Adelbert Nongrum bad u Mathew Beyondstar Kurbah.
Ha ka jingïamir jingmut la kham phai khmat halor ki sienjam, ki skhim, ki lad jingïarap bad ki jingai jingshakri ba la pyntreikam da ki tnad Sorkar bapher-bapher kiba thmu ban kyntiew bad aibor ïa ki longkmie kynthei bad ki khynnah jong ka distrik.
Nalor kata ïa ki prokram ba la pynlong da ki tnad Sorkar bapher-bapher la bishar bniah khnang ban lah pyntikna na ka bynta ki jingmyntoi bad ka bha ka miat jong ki kynthei khynnah hapoh ka distrik.
Kiwei pat kiba la ïadonlang ha kane ka jingïalang ki kynthup ïa u Deputy Commissioner, West Jaiñtia Hills, u Bah B. S Sohliya, IAS, u Superintendent of Police, WJH u Bah C. Syrti, MPS bad kiwei-kiwei.
