Bali, Nailar:
Ka tnat European-Mediterranean Seismological Centre (EMSC) ha ka Sngi Balang ka la pyntip ba u jumai uba jur haduh 7.0 Magnitude u la pynkhynñiuh ia ka thaiñ Bali Sea jong ka Indonesia ha ka Sngi Ba-ar.
Utei u jumai u la pynkhynñiuh ia kumba 201 kilometre na ki bynta jong ka thaiñ North Mataram jong ka Indonesia bad kumba 518 Kilometre shapoh ka khyndew.
Katba ka tnat US Geological Survey (USGS) ka la pyntip ba utei u jumai u la kot ia ka 7.1 Magnitude katkum ka jingpeit thuh bad jingbuh jingthoh jongka.
Ha kajuh ka por, la ong ba ka tnat Tsunami Warning System jong ka United States ka la iathuh ba kam shym la ioh jingtip eiei na ki tiar ki ban pyni ba kan don kano- kano ka jingwan jong ki kynja ‘erlangthari ne ‘eriong wat hadien ka jingwan ba kynsan jong utei u jumai ha katei ka step.
