Washington, Naiwieng:
Ki nongïalam jong ka America, China bad Russia ki thmu ban ïakynduh ha ka Sngi Palei jong ka taïew ka ban wan hapoh ka jingïalang jong ka Asia-Pacific Economic Cooperation ka ban sa long ha ka phang pdeng jong ka China hapoh ka nongbah Shenzhen, ka Tech Hub jong ka China, ka dei ka jingïalang kaba ym pat ju sakhi mynno- mynno ruh, ha kaba yn iadon bynta lang da ki khlieh
nongialam jong ki ri ba paw tam haba iadei bad ki kam shna nuclear.
Katba ki nongïalam kiba ïalum lang ban ïakren lang kin pynpaw ïa ka por kaba kyrpang, ki nongpeit bniah ki ong ba ka jingkhmih lynti ka long kaba duna ba ki jingïakren kin wanrah ïa ki jingjop kiba khraw bad ki ong ba kin kham khia ha ka dur jong ka dak ban ïa ka jingmut.
Ki jingthmu na ka bynta ka jingïalang lai liang bad u Donald Trump, u Xi Jinping bad u Vladimir Putin la pynskhem ha ka sngi Palei da ka White House. Ka wan ha ka por kaba jynjar ha ka jingiadei hapdeng ki lai tylli ki ri.
U Trump u la pdiang sngewbha ïa u Xi hadien ba u la poi sha ka jingïasuk ha ka thma khaii pateng kaba lyngkot jong ki ha u snem ba la dep bad wat hapdeng ki jingïapher jingmut halor ka thma jong ka US bad ka Iran bad kiwei kiwei ki jingïakynad hapdeng ki ri ba pawnam ha ka pyrthei ha ka liang ka ioh ka kot.
Kumjuh ruh, U Trump, u la wad ban tei ïa ka jingïadei jong u bad u Putin, wat haba u nongïalam jong ka Russia, u dang ïai bteng ha ka thma jongu, kaba la jan dap 5 snem bad ka Ukraine bad katba ka Moscow, ka la pynjylliew ïa ka jingïatreilang jong ka ha ka liang ka shipai, ka kam wad bniah bad ka jingïadei bad ka Iran.

