Washington, Naiwieng:
Katkum ki khubor, la ong ba katei ka nong China kaba la bna pyrthei halor ka jingiadei ba buhrieh jongka bad u CEO ka Nvidia- u Jensen Huang, ka la ioh ban leit rung sha Taiwan lyngba ka Passport Hong Kong, bad ki bor pyniaid ka Taiwan ki dang shu lap ïa kane hadien ba la lap ïa ki kam ba buhrieh jongka ha kine ki khyndiat sngi ba la dep.
“Ki tnat ba dei peit jong ka sorkar jong ngi ki la tip pura ïa ki jingthoh bad ki jingtip ba iadei,” la ong u Director-General ka National Immigration Agency u Lin Horng-en ha ki nongthoh khubor.
“Ngi la tip ïa baroh ki jingthoh ba iadei bad ka jingrung bad jingmih jong ka,” u la ong katba ki jingtip ba thymmai ki dang iai bteng ban mih ha ka kam kaba pawnam bad ka kam wad bniah.
U heh jong ka Nvidia kham mynshwa u la kam ba u don ka jingiadei bad ka Alice Huang, kaba dei ka nongpyniaid barim jong ka Megaspeed kaba don ha Singapore. Ki nongtohkit jong ka US, ki ngeit ba ka Alice, ka la pyndonkam ïa ka jingïoh rung jong ka ha katei ka kompeni, ban syntiat ïa ka China, ba kan phah ïa ki chip jong ka Nvidia, sha China, ïa katei ka jingkynnoh, kaba ka Beijing, ka la kyntait.
Ka tnat tohkit jong ka sorkar pdeng (FBI) bad ka Nvidia ki dang tohkit ïa kane ka jingïakynad baroh kawei ha kaba ka board jong ka Nvidia ka la pynthikna ha ka sngi U Blei ban plie ïa ka jingtohkit halor u CEO Jensen Huang.
Ka long kaba donkam ban tip ba ban rung sha Taiwan lyngba ka passport na Hong Kong ka kham suk ban ïa ki passport jong ka mainland China, kiba hap ban pan jingbit kyrpang ban leit sha katei ka jaka.
