Johannesburg, Nailar:
Katkum ki khubor la ong ba palat 60 ngut ki briew, ki la duh noh la ka jingim hadien ka jingpluh ka ïing ba 5 mala ha ka phang pdeng jong ka nongbah Johannesburg hapoh South Africa ha ka Sngi Palei. Katba 43 ngut pat ki la mynsaw ha katei ka jingjia bad la pynkit ia ki baroh sha ki jaka sumar bapher kiba don ha katei ka nongbah.
Tad haduh ka step Sngi Palei ba la ioh jingtip halor katei ka jingjia, ka jingdon jong kiba khlad ka long 63 ngut bad 43 ngut pat kiba mynsaw bad kiba la shah pynkit noh sha ki jaka sumar bapher.
Ki briew jong ka tnat pynlip ding ki la leit her mar-mar sha katei ka jaka ha katei ka step bad ki la iakhun shitom katba lah ruh ban ioh pyllait im lut ia kat kiba sahkut hapoh jong katei ka ïingmala.
