Mumbai:
U Aamir Khan lane u Ranbir Kapoor kin sa ioh ban ak ha ka Biopic jong u Rajkumar Hirani kaba dei halor u Lala Amarnath ha kaba kane ka phlim yn pynkhreh ban leit ring naduh ki bnai ba pdeng u 2024.
Ka khubor ba la ioh ka iathuh ba u Hirani ula dep ban kren bad u Ranbir halor kane ka Biopic bad ha kajuh ka por ia u Aamir bad mynta ka shong satang iano ban jied ban lam khmat ia ka.
U Hirani ha shwa ban sdang ia katei ka phlim un hap ban pyndep noh shwa ia ka Dunki bad kiwei de ki phlim jong u bad kane ka Biopic ka dei halor u Captain jong ka kynhun ialehkai Cricket na India uba nyngkong u Lala Amarnath.
Na ka bynta u Hirani u sngew ba u Ranbir bad Aamir ki biang bha ban lam khmat ia kane ka Biopic ha kaba yn sa jied ruh ia kiwei kiwei ki ban shim bynta lang ia ka.
Mynta u Hirani un hap ban ap tang ia u Aamir lane Ranbir mano ban mynjur ban ak ia ka khnang ban ioh pynbna noh ia ka kyrteng.
Ki don ruh ki khubor kiba iathuh ba u Ranbir u lah ban soi ia kane ka phlim hadien jong ka Sanju bad sngew ba u Hirani u dei ruh u nongshna phlim uba biang ha ka jinglap jong u.
Mynta ia ka khana jong kane ka phlim dang hap ban pynbeit bad pynbiang bad yn pynmih pat haduh u Nohprah 2024.U Lala Amarnath u long ka nuksa na ka bynta ki khlur ialehkai Cricket ka ri ba kin trei shitom bad ban wanrah nam bad burom ia ka ri.
