Los Angeles:
Ka kynhun rwai Metallica ka la pynsangeh ia ka jingleit shim bynta jong ka sha Phoe nix ha kaba ka daw halor kane ka dei namar ka jing ioh COVID-19 u James Hetfield.
Ha shwa jong kane. ka Metallica ka la sangeh ruh ban leit shim bynta ha ka Con cert kaba dei ban long ha Glendale, Arizona.
Ki dkhot kane ka kynhun ha ka jingpynmih khubor ki la pynpaw ka jingsngewkhia mynsiem ba ki la hap ban pynsangeh ia kane ka jingleit shim bynta namar ka jingioh COVID-19 u James bad kyrmen skhem ba ha kine ki bnai ban wan kin sa lah ban pynurlong ia kaei kaba ki thmu.
Kane ka jingleit shim bynta jong ka Metallica ha ka jingshisha ka dei na ka bynta ka “M72” Tour. Ki dkhot kane ka kynhun ki la pynkhreh bha ha kaba iadei bad kane bad sngew ba hadien bun bun snem ki la ioh ban mih pyrthei biang.
Hynrei mynta sngew bynniaw pat ba kim iohlad shuh ban leit rwai kylleng na ka jingkem pang kynsan u James.Lehse ha kine ki bnai ban wan ynda haba u James ula kham biang kane ka kynhun kan sa lah hi ban pyndep ia ka kamram kaba ka dei ban leh.
