Nongpoh, Nailur 04
Ha kawei ka jingjia ha ka miet Sngi U Blei, uwei u suba nongtuh na Assam ïa uba la tip kyrteng kum u Bartan Marak u la mynsaw jur hadien ba u la shah bom ha ki paidbah ha ka shlem ka Meghalaya Industrial Development Corporation (MIDC) ha Umïam, Ri Bhoi.
U Bartan, 37 snem ka rta, u dei na ka shnong Garogaon kaba hap ha Udalguri District jong ka jylla Assam.
Katkum ka khubor na ki pulit, la ong ba u Bartan u la rung ha ka ïing sah jong kawei ka longkmie kaba don ha ka shlem jong ka MIDC. Kane ka longkmie ka la ïathuh ba u Bartan u la thmu ban siat da ka ‘Air Pistol’ bad katba u dang thmu ban phet da kaba kynthih na ka kynroh ba kynjang, u la hap bad kdiah ka kjat.
Ki pulit ki la ong ba u Bartan u la shah shoh ha ki paidbah ha ka por ba u la leit rung ha ïing jong katei ka longkmie.
Ïa u Bartan la pynkit sha Civil Hospital Shillong ban ïoh jingsumar, bad na ka liang ki pulit ki la bthah ïa katei ka longkmie ba kan ai da ka jingujor pyrshah ïa une u briew.
