Los Angeles:
Ka kynhun rwai Mr Big ka la pynbna ia ka European Farewell Tour ka ban long ha u Lber/Iaiong 2024 ha kaba kane ka kynhun ha katei ka jingleit rwai kylleng jong ka, kan sa rwai ruh ia ki jingrwai ba iaid bha bad kum juh ruh kiba bun ki riewieit jingrwai ki sngewtynnad ban kynud.
Kane kan dei ka sien nyngkong na ka bynta kane ka kynhun ban mih pyrthei biang ban leit rwai sha Europe hadien ka jingkhlad noh jong u nongtem drum u Pat Torpey uba la ioh ia ka Parkinson’s disease ha u 2018.
Kin don bun bha ki ri ha Europe kiba ka Mr Big kan leit ban shim bynta bad lehse kane kan dei ruh ka sien ba khatduh na ka bynta kane ka kynhun ban leit rwai kylleng.
Hadien ka jingkhlad noh jong u Pat ki dkhot kane ka kynhun kim sngew kwah mih pyrthei shuh bad sngew ba ka jingduhnoh ia u Pat ka long kaei kaei kaba kim lah satia ban pdiang.
Ka Mr Big kum ka kynhun ka la pawnam bad paw pyrthei bha na kiba bun ki jingrwai ba sngewtynnad jong ka.
