Los Angeles:
Ka khubor na Holly wood ka iathuh ba ka Film Academy’s Gover nors Awards la pynkynriah noh na u bnai Naiwieng ha kaba ka daw halor kane ka dei namar ka jingiakhih jong ki dkhot ka SAG-AFTRA. Shuh shuh katkum ka jingiohlum khubor la iathuh ba ia kane ka jingsam khusnam la rah noh sha ka 9 tarik u Kyllalyngkot 2024.
Naduh ba la mih ka jingiakhih jong ki dkhot ka SAG-AFTRA bun na ki jingsam khusnam la hap ban pynsangeh noh kum ka dak jong ka jingai jingkyrshan halor kane.
Ha shwa jong ka Film Academy Governors Awards kiwei kiwei ki jing sam khusnam la hap ban pynkynriah ruh shaduh u snem ban wan khnang ban lait na ka jingshah kynthoh. Ha ka jingshisha ia ka 14th Governors Awards la rai ban pynlong ha ka 18 tarik u Naiwieng bad la pynbna ruh ia ka kyrteng jong ki nongshah pynkup burom ki ban long ruh ka Angela Bassett, Mel Brooks, Carol Littletonrbad ka Michelle Satter pat kan sa shah pynkup burom da ka Jean Hersholt Humanitarian Award.
Ha u snem ban wan ia ka Governors Awards yn sa pynlong ha kajuh ka sngi ba la pynlong ia ka 75th Emmys. Ka Oscars kaba dei ruh kawei na ki jingsam khusnam bakhraw tam eh jong ka Hollywood kan sa shah ktah lada kane ka jingiakhih jong ki dkhot ka SAG-AFTRA ym pat shim la lah ban pynkut bad lehse hap ruh ban pynkynriah lem ia ka kumba long ia kiwei kiwei ki jingsam khusnam.
